Sigurjón Páll Hauksson

lán í óláni

Í gærdag varð það óhapp að ljóasleiðari slitnaði með þeim afleiðingum að ekkert sjónvarp eða útvarp náðirt, nema ef vera skildi gamla gufan auk þess hvarf internetið líka, ekkert MSN. Allt varð hálf vandræðalegt í byrjun, ekkert hægt að gera, pælingar um að taka DVD á leigu komu fljótlega upp í hugan. Í þeim pælingum fór heimilisfólkið að ræða um hvaða mynd væri skemmtileg og skiptast á skoðunum um kvikmyndir, kvikmyndaleik og leikara. viti menn, fjölskyldumeðlimir fóru að ræða saman um daginn og veginn, sátu frammi í eldhúsi yfir kaffi og meðlæti í góðu kvöldspjalli. þetta minnti óneitanlega á þá tíma sem afþreying var af skornum skammti sem ekki eru ýkja mörg ár síðan. Ég fór meðal annars að rifja upp árinn fyrir ljósleiðarann þegar maður þurfti hringja á milli svæðisnúmera og hringja oft að til að ná bæjarlínu. Voru margar spurningar sem vöknuðu hjá unga fólkinu sem var hissa yfir því hve stutt er síðan þetta breyttist allt. Skemmtileg kvöldstund sem vert er að endurtaka án þess þó að slíta ljósleiðarastreng, bara slökkva á öllum tækjum og tala saman.

Kærleiksbörn á ferð

Í fyrstu bloggfærslu minni er viðeigandi að vera á jákvæðum nótum. Mér hlýnaði óneitanlega um hjartarætur þegar ég fór út í veðurblíðuna í gærmorgunn og sá að skilaboð kærleiksbarna voru undir rúðuþurrkunni á bílnum mínum sem einhverjir óeigingjarnir fyrirmyndarborgarar settu þar í skjóli nætur. Skilaboðin voru skýr, stöndum saman, sýnum hlýhug og hvetjum hvort annað ásamt nokkrum leiðum að því markmiði. Ekki spillti fyrir konfektmolinn sem fylgdi til að hafa með kaffinu á meðan bréfið var lesið. þessi kærleiksbörn hafa komið okkur bæjarbúum nokkrum sinnum skemmtilega á óvart með uppátækjum sínum sem eru af ýmsum toga. sem dæmi má nefna að einn morgun fyrir nokkru var búið að hnýta með fallegum borða uppblásnar blöðrur á alla ljósastaura í bænum. Ekki er vitað hver gerir þetta, enn uppátækið vekur umtal á kaffistofum vinnustaða og er öllum hvatning til dáða, ekki hvað síst í því ástandi sem þjóðin býr við um þessar mundir. Ég vil að endingu þakka þessu ágæta fólki sem að þessu stendur kærlega fyrir mig, og að það viti að þetta er mér og fjölskyldu minni mikil hvatning.

Höfundur

Sigurjón Páll Hauksson

Búsettur á Patreksfirði. Ég er vinnuvélastjóri og ökukennari og starfa við það í Vesturbyggð. held með Tottenham í enska og að sjálfsögðu Víking Reykjavík